day 1 - what is machine learning?

واحد السلام عليكم. معاكم Kaito :)


أولا.. رمضان مبارك ليكم كاملين.. نتمنى يكون هاد الشهر كامل طاعة واستفادة..


ايلا وصلك هاد الايمايل فراك -انت او انتي- مستعد و واجد ل 30 يوم من الذكاء الاصطناعي..


واحد السلام عليكم. معاكم Kaito :)


أولا.. رمضان مبارك ليكم كاملين.. نتمنى يكون هاد الشهر كامل طاعة واستفادة..


ايلا وصلك هاد الايمايل فراك -انت او انتي- مستعد و واجد ل 30 يوم من الذكاء الاصطناعي..


كما قال الاستاذ فقيه البيانات طه:

افهم الأي أي قبل أن يفهمك هو..


أول حاجة نبداو بيها هي غنجاوبو على السؤال اللي كيدور لكولشي فدماغو: شناهو اصلا هاد تعلم الآلة؟


قبل منشرحوها غنشوفو شناهو الذكاء الاصطناعي, حسب الحاج غوغل:


"الذكاء الاصطناعي هو مجال واسع من علوم الكمبيوتر يدور حول إنشاء آلات يمكنها التفكير والتعلم مثل البشر. الهدف هو بناء أنظمة يمكنها فهم البيئة وتعلمها وتخطيطها وإدراكها."


تعلم الالة، او machine learning، او ML كاختصار، هو غير قسم او فرع من الذكاء الاصطناعي..


والشرح ديالها جاي من السمية نيت: هو مجموعة من التقنيات والطرق اللي كتخلي الحاسوب او السيستيم الآلي ديالك يتعلم ويحلل معطيات كيشوفها و فالاخر كاياخذ قرارات من عندو هو .. كيما كنديرو حنايا كانسان..

غير حنا كنتعلمو من الكتوبا والاساتذة، والآلة كتعلم من الداتا (البيانات)..


كيعتمد التعلم الآلي على فكرة ان البرنامج او الحاسوب ديالك كيقدر يتعلم ويحدد انماط patterns اللي كيبانو ليه غيعاونو فاعطاء نتيجة صحيحة او قريبة للصح.. (بكل بساطة كيبقا يجرب ويقمر.. ولكن كيقمر بالعلم والرياضيات)


كما قال الاستاذ فقيه البيانات طه:

افهم الأي أي قبل أن يفهمك هو..


أول حاجة نبداو بيها هي غنجاوبو على السؤال اللي كيدور لكولشي فدماغو: شناهو اصلا هاد تعلم الآلة؟


قبل منشرحوها غنشوفو شناهو الذكاء الاصطناعي,

حسب الحاج غوغل:


"الذكاء الاصطناعي هو مجال واسع من علوم الكمبيوتر يدور حول إنشاء آلات يمكنها التفكير والتعلم مثل البشر. الهدف هو بناء أنظمة يمكنها فهم البيئة وتعلمها وتخطيطها وإدراكها."


تعلم الالة، او machine learning، او ML كاختصار، هو غير قسم او فرع من الذكاء الاصطناعي..


والشرح ديالها جاي من السمية نيت: هو مجموعة من التقنيات والطرق اللي كتخلي الحاسوب او السيستيم الآلي ديالك يتعلم ويحلل معطيات كيشوفها و فالاخر كاياخذ قرارات من عندو هو .. كيما كنديرو حنايا كانسان..

غير حنا كنتعلمو من الكتوبا والاساتذة، والآلة كتعلم من الداتا (البيانات)..


كيعتمد التعلم الآلي على فكرة ان البرنامج او الحاسوب ديالك كيقدر يتعلم ويحدد انماط patterns اللي كيبانو ليه غيعاونو فاعطاء نتيجة صحيحة او قريبة للصح.. (بكل بساطة كيبقا يجرب ويقمر.. ولكن كيقمر بالعلم والرياضيات)


غنعطيو مثال بسيط باش تفهمو المقارنة:


تخيل معايا طفل صغير عطيناه صور و فيديوات ديال حيوانات:

و قلنا ليه هادو مشاش وهادو كلاب (اعزكم الله)


ومن بعد موريناه بزاف ديال التصاور، جبنا مش وكلب حقيقيين وحطيناهم حداه

وقلنا ليه يلاه فيناهو المش وفيناهو الكلب؟


(نفتارضو ان الطفل عمرو شاف مش او كلب فحياتو)


كيفاش غيدير ليها؟


الطريقة اللي غيدير الولد هي اللي غالبا كنديرو حنايا كاملين بطبيعتنا البشرية


ربما غيشوف الشكل ديال الاذنين، الحجم ديال الحيوان، اولا الانف ديالو، اولا غيسمع الصوت اللي كيدير الخ الخ..

وايلا لقا تشابه غيقول هداك راه مش والاخر راه كلب..


هادي هي عملية تحديد الانماط أو patterns اللي بيهم غادي تميز..


تعلم الالة خدام بنفس الطريقة:


كنعطيو الحاسوب ديالنا بزاف ديال البيانات - ناخدو مثلا تصاور ديال مشاش وكلاب، كل صورة كتصنف بكلمة "cat” أو "dog” (هاد التسمية كتسمى Label )


والحاسوب كيبقا يحلل هاد البيانات وكيحاول يعرف الانماط اللي كتميز dogs على cats..

فاش كيسالي من تعلم الانماط، كيقدر يصنف صورة جديدة، ويقوليك واش هي مشة او كلب — وخا يكون عمرو شاف ديك الصورة قبل.



اذن فالاخر هاد الذكاء الاصطناعي ماشي شي ذكااااء،

راه غير كيعتمد على تحليل البيانات بسرعة وكيخدم بالماط و شي خوارزميات غنشوفوهم من بعد، وكيعطينا نتائج بواحد نسبة احتمالية (قدما كانت كبيرة قدما كانت النتائج ممتازة)


ولكن علاش هادشي اصلا مهم وفاش كينفعني؟


انا ديجا كنقدر نعرف مشاش من كلاب مبغيت حد يقولها ليا.. 💀


هداك غير مثال بسييييط عطيتو..


أما التعلم الالي راه فينما مشيتي كاااين.. غير مكايبانش ليك 🧏‍♂️


فاش نيتفليكس كاتقتارح عليك شي فيلم يقدر يعجبك..

هاداك راه تعلم الي..


فاش كتشعل التيليفون ديالك بتقنية الوجه،

هاداك راه تعلم الي..


فاش كتخدم ب شات جي بي تي باش تكتب مقال وتنقل فالامتحان 💀،

هاداك راه تعلم الي..


هاد التعلم الالي او الذكاء الاصطناعي بصفة عامة، ولا كيشكل جزء كبير فحياتنا، و اي مجال مشيتي ليه، كتلقاه تما كيتسنا شي داتا يتعلم منها (خونا مكلخ ولكن باغي يتعلم كيدير مجهود)


ايلا كنتي متحمس بحالي باش تعمق اكثر فهاد المجال؟


انا بعدا متحمس 😛


نتلاقاو فايمايل اخر غدا، فين غادي نشرحو الانواع المختلفة ديال التعلم الآلي..

و غنشوفو حقيقة الرياضيات وواش بصح ضروري الماط فهدشي..


كنتمنى تكونو استافدتو.. ايلا عندكم شي تساؤل اولا مشرحتش شي حاجة مزيان، غير صيفط ليا رد فهاد المايل نيت..


— kaito


P.S.


  • ايلا بغيتو تعرفو كثر على الفرق بين الذكاء الاصطناعي وتعلم الالة شوفو هاد الريل اللي فيه قل من دقيقة ومشروح بطريقة واعرة
    https://www.instagram.com/p/Cm9zVa8hq2p/


  • اللي بغا شي كورس فين يبدا كنصحو بهادا >

    Machine Learning A-Z

    غتلقاه هنايا فابور!


التالي