day 29 - what's next?…
السلام عليكم ورحمة الله... معاكم Kaito :)
مرحبا بيكم فالنهار 29 ديال سلسلة 30 يوم من التعلم الآلي..
غدا العيد ان شاء الله
مبروك عيدكم والله يتقبل العمل والطاعة ديال هاد الشهر اللي داز
الوقت كتدوز دغيا..
شكون قال بلي هاد السلسلة غتسالي
العام الفايت كنت درت "30days of reels"
كنت كنبوسكي رييل كل نهار
هاد العام خدينا ريسك اخر وطلعنا النيفو
ماشي بالفيديوات هاد المرة ولكن بالكتابة
فالايام الاولين كان حسابلي غادي نبقا نكتب كل نهار حتى نموت ههه
ولكن الحمد لله شارفنا على النهاية
نتمنى تكون عجباتكم السلسلة..
فالمايل ديال اليوما غنشوفو واحد الخلاصة على دكشي اللي شفنا فالايام اللي دازو
ونعطيكم فين و اش خص تديرو من بعد هاد 30 يوم اللي دازت
فالايام اللولين شفنا شناهو هاد تعلم الالة
شنو الفرق بينو وبين الذكاء الاصطناعي
وعلاش خص أي واحد فينا يعرف كيفاش خدام
وشفنا الانواع ديالو: Supervised - Unsupervised - Reinforcement
من بعد دوينا على الداتا
و علاش نايض عليها هاد الصداع كامل
شفنا دورة حياة التعلم الالي
و فالمراحل ديالو دوينا على EDA
من بعد تطرقنا للموضوع ديال الخوارزميات 101
هنايا بدينا كنديرو Q&A كنجاوبو فيه على الاسئلة اللي كيوصلوني
باش من بعد ندوزو للمعقول ونشوفو الخوارزميات اللي كاينين
شفنا المشهورين فيهم بحال
Linear Regression - Logistic Regression - SVM - KNN - Decision Trees - K-means Clustering …
حتا وصلنا ل الشبكات العصبية
(هنا بدينا كنعطيو دوك الامثلة ديال المشاش والكلاب ههه)
دوينا على كيفاش كتخدم والدور ديالها فانتاج توقعات ممتازة
من بعد شفنا CNN - RNN - NLP…
وصولا ل Dimentionality Reduction مع PCA…
و Large Language Models
واللي هي موضوع الساعة ف Deep Learning
والبارح شفنا Transformer models بحال GPT و BERT
مزال كاينين مواضيع اخرى فيهم ميتقال
بحال Evaluation Metrics و Regularization و Cross-Validation…
اضافة لمجالات اخرين بحال Computer Vision و Explainable AI
ولكن هدشي غتلقاوه شارحينو فأي كورس بديتوه
وانا جيت غير باش ناخد العناوين اللي معروفين
وكتسمعو بيهم بزاف فمواقع التواصل
ولكن مفاهمينش شنو كيعنيو..
✨ محو الأمية ✨
دبا باش تقرا وتعمق فهدشي
غنقتارح عليك 2 Newsletters
دايرين بحال هادي غير ماشي بالدارجة
وهوما كيلوحو أهم المستجدات
حيتاش فالاخر.. ايلا خدمتي شي كورس وساليتيه
متقولش لراسك راك صافي هاد الكورس كافي
لا
"عيش نهار تسمع خبار"
ولكن باش نوفرو الوقت
هاد Newsletters كيعطيوك اللاصق فمايل
بحال جريدة الصباح
الأولى سميتها Data Elixir
كل سيمانة كيوصلك مايل
مجموع فيه كل جديد على المجال ديال Data Science
والثانية سميتها ML Spring
هذا كيدير بحالي كيكتب مايلات كيدوي فيهم على شي مجال او شي كونصبت ف AI وكيشرحو مزيان
بالنسبة للدروس راني ديجا دويت على احسن كورس تقدر تديرو
واللي Standard فالكوميونيتي ديال التعلم الالي
ايلا قريتي هاد السلسلة كاملة غيجيك دكشي ساهل وحلو
(بالنسبة للماط معرفتش ههه)
كاينين كورسات اخرين فيوتيوب
ولكن كنصيحة باش تعلم مزيان
قرا شي كونسبت..
فهمو..
طبقو باش تفهمو كثر..
كتب فيوتيوب "machine learning end-to-end project"
شوف شي بروجي اللي عاجبك الضومين ديالو
وبقا طبق معاه
غتقوليا "غادي نكون غير كنقل منو بهاد الطريقة"
تيقني غتعلم بحال هكا.. حيتاش لابد يخرجو ليك مشاكل
غالبا غتلقا شي حاجة صدقات ليه فالفيديو ونتايا والو مبغاش
تما كتحاك وكتخدم على راسك
خدم ب غوغل وسول ChatGPT
حتا ايلا كاع ساليتي داك البروجي
زيد نتايا فيه اللمسة الخاصة ديالك
Make it different
وكتب عليه شي مقالة حتا نتا علاش لا
اولا صور فيديو احسن كاع ولوحها ف Socials
بهاد الطريقة كتولي مختالف على بزاف ديال الناس اخرين
غير متكونش من العاكزين
خدم وتعلم..
وسول..
ماشي السؤال ديال "سلام خويا"
وكتسناه يجاوب .. راه مغيجاوبكش
انا بعدا مغديش نجاوب
ايلا مدخلتيش ديريكت فالموضوع راه حتا حد مغيجاوبك
هو غتلقاه باغي يعاون
ولكن معارفكش شنو باغي
حيتاش فاش فتصايب بروجي
راه مكيهمش واش كملتيه اولا لا
البروجي عمرو يكمل او يولي perfect
خصوصا البروجيات ديال machine learning
شفنا هدشي ف lifecycle
اللي كيهم هنايا هو داك البروسيس وديك تمارة اللي ضربتي باش تعلم
تما كتجيك ديك السعادة
المهم حسيت بديت كندخل فالجو ديال David Goggins
المهم هدشي اللي عندنا فهاد السلسلة
شكرا بزاف على الدعم ديالكم لهاد Newsletter
وانا قد كلمتي..
غادي نبوسطي فيديوات وريلز حتا هوما
باش اللي ما فيه ميقرا
يسمع و يتفرج
وحاجة اخرى.. غدا غادي تاخدو ان شاء الله
Certification of Completion
لأي واحد كان معانا من الاول.
شكرا عوتاني على الكلمات الطيبة..
موعدنا فشي مبادرة اخرى
و شي 30 يوم اخرى ان شاء الله
ايلا كنتي باغي تشوف الايام كاملين اللي دازو
خلاصة اليوم:
نتلاقاو فايمايل اخر غدا! ( هادي مغنقولهاش غدا :( )
كنتمنى تكونو استافدتو.. ايلا عندكم شي تساؤل اولا مشرحتش شي حاجة مزيان، غير صيفط ليا رد فهاد المايل نيت..
— Kaito
ملاحظات:
ايلا عاجبك هدشي وقادر باش تساند هاد newsletter بدعم مادي
دخل لهنا: https://ko-fi.com/callmekaito
شكرا (:
السلام عليكم ورحمة الله... معاكم Kaito :)
مرحبا بيكم فالنهار 29 ديال سلسلة 30 يوم من التعلم الآلي..
غدا العيد ان شاء الله
مبروك عيدكم والله يتقبل العمل والطاعة ديال هاد الشهر اللي داز
الوقت كتدوز دغيا..
شكون قال بلي هاد السلسلة غتسالي
العام الفايت كنت درت "30days of reels"
كنت كنبوسكي رييل كل نهار
هاد العام خدينا ريسك اخر وطلعنا النيفو
ماشي بالفيديوات هاد المرة ولكن بالكتابة
فالايام الاولين كان حسابلي غادي نبقا نكتب كل نهار حتى نموت ههه
ولكن الحمد لله شارفنا على النهاية
نتمنى تكون عجباتكم السلسلة..
فالمايل ديال اليوما غنشوفو واحد الخلاصة على دكشي اللي شفنا فالايام اللي دازو
ونعطيكم فين و اش خص تديرو من بعد هاد 30 يوم اللي دازت
فالايام اللولين شفنا شناهو هاد تعلم الالة
شنو الفرق بينو وبين الذكاء الاصطناعي
وعلاش خص أي واحد فينا يعرف كيفاش خدام
وشفنا الانواع ديالو: Supervised - Unsupervised - Reinforcement
من بعد دوينا على الداتا
و علاش نايض عليها هاد الصداع كامل
شفنا دورة حياة التعلم الالي
و فالمراحل ديالو دوينا على EDA
من بعد تطرقنا للموضوع ديال الخوارزميات 101
هنايا بدينا كنديرو Q&A كنجاوبو فيه على الاسئلة اللي كيوصلوني
باش من بعد ندوزو للمعقول ونشوفو الخوارزميات اللي كاينين
شفنا المشهورين فيهم بحال
Linear Regression - Logistic Regression - SVM - KNN - Decision Trees - K-means Clustering …
حتا وصلنا ل الشبكات العصبية
(هنا بدينا كنعطيو دوك الامثلة ديال المشاش والكلاب ههه)
دوينا على كيفاش كتخدم والدور ديالها فانتاج توقعات ممتازة
من بعد شفنا CNN - RNN - NLP…
وصولا ل Dimentionality Reduction مع PCA…
و Large Language Models
واللي هي موضوع الساعة ف Deep Learning
والبارح شفنا Transformer models بحال GPT و BERT
مزال كاينين مواضيع اخرى فيهم ميتقال
بحال Evaluation Metrics و Regularization و Cross-Validation…
اضافة لمجالات اخرين بحال Computer Vision و Explainable AI
ولكن هدشي غتلقاوه شارحينو فأي كورس بديتوه
وانا جيت غير باش ناخد العناوين اللي معروفين
وكتسمعو بيهم بزاف فمواقع التواصل
ولكن مفاهمينش شنو كيعنيو..
✨ محو الأمية ✨
دبا باش تقرا وتعمق فهدشي
غنقتارح عليك 2 Newsletters
دايرين بحال هادي غير ماشي بالدارجة
وهوما كيلوحو أهم المستجدات
حيتاش فالاخر.. ايلا خدمتي شي كورس وساليتيه
متقولش لراسك راك صافي هاد الكورس كافي
لا
"عيش نهار تسمع خبار"
ولكن باش نوفرو الوقت
هاد Newsletters كيعطيوك اللاصق فمايل
بحال جريدة الصباح
الأولى سميتها Data Elixir
كل سيمانة كيوصلك مايل
مجموع فيه كل جديد على المجال ديال Data Science
والثانية سميتها ML Spring
هذا كيدير بحالي كيكتب مايلات كيدوي فيهم على شي مجال او شي كونصبت ف AI وكيشرحو مزيان
بالنسبة للدروس راني ديجا دويت على احسن كورس تقدر تديرو
واللي Standard فالكوميونيتي ديال التعلم الالي
ايلا قريتي هاد السلسلة كاملة غيجيك دكشي ساهل وحلو
(بالنسبة للماط معرفتش ههه)
كاينين كورسات اخرين فيوتيوب
ولكن كنصيحة باش تعلم مزيان
قرا شي كونسبت..
فهمو..
طبقو باش تفهمو كثر..
كتب فيوتيوب "machine learning end-to-end project"
شوف شي بروجي اللي عاجبك الضومين ديالو
وبقا طبق معاه
غتقوليا "غادي نكون غير كنقل منو بهاد الطريقة"
تيقني غتعلم بحال هكا.. حيتاش لابد يخرجو ليك مشاكل
غالبا غتلقا شي حاجة صدقات ليه فالفيديو ونتايا والو مبغاش
تما كتحاك وكتخدم على راسك
خدم ب غوغل وسول ChatGPT
حتا ايلا كاع ساليتي داك البروجي
زيد نتايا فيه اللمسة الخاصة ديالك
Make it different
وكتب عليه شي مقالة حتا نتا علاش لا
اولا صور فيديو احسن كاع ولوحها ف Socials
بهاد الطريقة كتولي مختالف على بزاف ديال الناس اخرين
غير متكونش من العاكزين
خدم وتعلم..
وسول..
ماشي السؤال ديال "سلام خويا"
وكتسناه يجاوب .. راه مغيجاوبكش
انا بعدا مغديش نجاوب
ايلا مدخلتيش ديريكت فالموضوع راه حتا حد مغيجاوبك
هو غتلقاه باغي يعاون
ولكن معارفكش شنو باغي
حيتاش فاش فتصايب بروجي
راه مكيهمش واش كملتيه اولا لا
البروجي عمرو يكمل او يولي perfect
خصوصا البروجيات ديال machine learning
شفنا هدشي ف lifecycle
اللي كيهم هنايا هو داك البروسيس وديك تمارة اللي ضربتي باش تعلم
تما كتجيك ديك السعادة
المهم حسيت بديت كندخل فالجو ديال David Goggins
المهم هدشي اللي عندنا فهاد السلسلة
شكرا بزاف على الدعم ديالكم لهاد Newsletter
وانا قد كلمتي..
غادي نبوسطي فيديوات وريلز حتا هوما
باش اللي ما فيه ميقرا
يسمع و يتفرج
وحاجة اخرى.. غدا غادي تاخدو ان شاء الله
Certification of Completion
لأي واحد كان معانا من الاول.
شكرا عوتاني على الكلمات الطيبة..
موعدنا فشي مبادرة اخرى
و شي 30 يوم اخرى ان شاء الله
ايلا كنتي باغي تشوف الايام كاملين اللي دازو
خلاصة اليوم:
نتلاقاو فايمايل اخر غدا! ( هادي مغنقولهاش غدا :( )
كنتمنى تكونو استافدتو.. ايلا عندكم شي تساؤل اولا مشرحتش شي حاجة مزيان، غير صيفط ليا رد فهاد المايل نيت..
— Kaito
ملاحظات:
ايلا عاجبك هدشي وقادر باش تساند هاد newsletter بدعم مادي
دخل لهنا: https://ko-fi.com/callmekaito
شكرا (:
التالي