day 30 - you graduated!

السلام عليكم ورحمة الله... معاكم Kaito :)

مرحبا بيكم فالنهار 30 ديال سلسلة 30 يوم من التعلم الآلي..

تهانينا!

سالينا التحدي بنجاح..

انا كنعتابر هئا انجاز كبير ليكم وليا

ليكم: حيتاش راني عارف ماشي ساهل انك تقرا واحد المايل على قدو كل نهار

تقدر نتا تكون لا علاقة بيك بهاد الضومين

تقدر تكون خدام او قاري او ممساليش كاع..

ولكن كان فيك الفضول تعرف..

و ليا: حيتاش قدرت نطبق على راسي واحد السيستيم

ونقلب ونحاول ما امكن نلخص المعلومة

ونردها بالدارجة فقالب خفيف كتهضم بيه داك الفطور

وتعلمت اشياء اخرين استافدت منهم بزاف

هاد البروسيس كامل غنقاد عليها فيديو ان شاء الله

من اول مرة طاحت الفكرة فبالي.. حتى النهار ديال الختام

المهم..

هاهي Certificate ديالك

كتب فيها سميتك ووريها لصحابك (ايلا بغيتي زعما)

شكرا ليكم جميعا حيتاش فولويتوني فهاد journey

اخر حاجة نقدر نقول ليكم فهاد النهار هي..

هاد newsletter كانت ناجحة بامتياز

كثر من 800 واحد مسجل واكثر من 8000 زيارة للسيت

كنت خايف انه يفوت 1000 حيت ديك الساعة غادي نضطر نخلص السيرفيس المسؤول على ارسال المايلات ليكم كاملين

ولكن هدشي كيفرح والله

وبغينا نخليوه بحال هكا

العام الجاي ان شاء الله غادي نبداو سلسلة جديدة

اقترحو عليا المجال اللي بغيتو وانا معاكم

الماط لا

الطبخ لا

شي حاجة اخرى مرحبا ههه

ولكن هاد المرة بغيت نردها احسن وبشكل جديد

ايلا حسيتي بلي هاد السلسلة نفعاتك وكانت قيمة

وعندك شي extra cash

وبغيتي تعاون باش السلسلة الجاية توصل لناس كثر من المغرب كامل

دخل لهنا وعاون باش ما قديتي: https://ko-fi.com/callmekaito

او رد على هاد المايل بشحال باغي تساهم

وايلا ماعندك والو (كنتي مزال كتقرا طالب.. بحالي)

مكاين حتا شي مشكل no worries wllah

قاداني غير الفرحة ملي تجمعتو هنايا وعطيتو الاهتمام

غادي نخططو لطرق جداد باش نخليو هاد newsletter فابور بطريقة صادقة

مبروك عيدكم..

و الى اللقاء فسلسلة جديدة ان شاء الله

تهلاو.

Copyright: Oumaima Makhlouk

— Kaito

FIN.